يوم الأرض

٢٢ أبريل يوم الأرض العالمي : )
يوم الأرض - ويكيبيديا.
Earth Day - Wikipedia.

بغض النظر عن اعتراضي على فكرة تعامل الناس معاه على أساس إنه "يوم" وكأنه اليوم اللي بيكفر عن الأخطاء اللي بنعملها في حق الأرض والبيئة طول السنة! يعني طالما اتكلمنا وحافظنا على البيئة في اليوم ده يبقى كدا إحنا خلاص عملنا اللي علينا وزيادة!

لكن في النهاية بتبقى رمزية اليوم أساس ممتاز للتوعية البيئية وتذكر واجبنا اتجاه البيئة وكوكب الأرض اللي عايشين عليه : )
مش شرط تكون ناشط بيئي ولا متخصص في البيئة أو الزراعة عشان تساهم في المحافظة على البيئة، أي واحد مهما كان يقدر يساعد بحاجات بسيطة جداً في مساعدة البيئة والمحافظة عليها.

بما إن لا المجال ولا الوقت متاحين للكتابة عن طرق المحافظة على البيئة، مفيش أفضل من بعض روابط لموقع متخصصة:

www.TreeHugger.com (إنجليزي)
www.GreenPeace.org (إنجليزي)
www.DoTheGreenThing.com (إنجليزي)
www.Mojtamai.com (عربي)

دي المواقع اللي متذكرها دلوقتي وبعدي عليها من وقت للتاتي خصوصا الموقع الأول (لو حد يعرف مواقع تانية يا ريت يعرفني بيها)

وبما إننا في يوم الأرض، خليني أسأل سؤال يوم الأرض:
إيه خطتك أو الحاجات العملية اللي قررت تعملها عشان تساعد وتحافظ على البيئة؟ (وده مش سؤال بلاغي، يعني المفروض يكون ليه إجابة فعلا D:)


صحيح، بالمناسبة متنسوش يوم البيئة العالمي يوم ٥ يونيو/حزيران، لسه شوية عليه بس عشان منساش :-)