السلام عليكم و رحمة الله و بركاته
في كذا حاجة عاوز اكتبها في المدونة ، بس شاشة الكمبيوتر لسه بتتصلح ، و الشاشة بتاعت التلفزيون دي رخمة جدا !
المهم
امبارح كنت عاوز اعمل سكان لورقة ، و الورقة مكتوب فيها و لازم يكون بأفضل وضوح
نزلت اشوف نت كافيه يكون عنده سكانر ، طبعا لفيت لفة محترمة على ما لقيت واحد !
مفيش محلات كتير بتجيب سكانر اساساً ، كلهم تلاقي عندهم طابعة ، لكن السكانر ده نادر !
في عندنا في المنطقة محلين اتنين عندهم سكانر ، واحد السكانر مش شغال و التاني جابلي شلل !
زي ما قولت من شوية انا عاوز الصورة بأفضل جودة ممكنة
الراجل عمل سكان للورقة ، و بيحفظها في صيغة jpg ، قولتله طيب انا عاوزها في صيغة png عشان درجة الوضح ، قعد يقولي استنى و مش عارف انا هعملهالك كويس ، استنى للاخر
قولنا نستنا !
برده حفظها في صيغة jpg اقوله انا عاوزه png عشان الجودة ، و ان صيغة png جودة الصور فيها اعلى بكتير من jpg - و خصوصا اذا كان في تفاصيل كتير في الورفة -
قعد يقولي خلاص كلها بقت مهندسين و مش عارف ايه !
يا عم انا قولت حاجة غريبة ؟ دي حاجة معروفة يعني !
راح يعمل ايه بقى ؟
بيحفظ الصورة على صيغة jpg و بيحولها بعد كدا لـ png !
اقوله كدا برده معملناش حاجة ، و كدا هتكون الجودة سيئة و حجم كبير على الفاضي !
و كل ده بتكلم بهدوء جدا و بدون اي عجرفة او احسسه انه مش فاهم حاجة !
في الاخر قالي خلاص مش هعملها ! - بنظام متوجعليش دماغي بقى ! -
قولته شكرا و روحت ماشي ، قولت اطلع اشوف واح برا المنطقة الفقرية دي !
و عملت الورقة بصيغة png و بجودة ممتازة جدا ، و انتهت المهمة بنجاح : )
ربنا يرحمنا من النوعية دي من الناس ، اللي شايفين نفسهم عارفين في كل حاجة و عمرهم ما بيغلطوا !
كتييييييييييير اوي يا ابوحميد بتلاقي النوعيه دي من البشر , ويا سلام بقي لو جادلته في حاجه يبقي كدا انت شتمته او مثلا لو غلطته , يبقي خلاص انت هتموت !!!!
ردحذفMutati0N : اساساً النوعية دي من الناس متدخلش معاهم في نقاش !
ردحذفهتتشل و مش هتوصل معاه لحاجه مفيدة !
Despite their many benefits, aluminum machines can involve a high initial investment cost, especially for advanced CNC or multi-function models. hot-cold press also require skilled operators and regular maintenance to maintain optimal performance. Additionally, improper calibration or low-quality cutting tools may lead to burrs or surface imperfections, which can affect the final product quality if not properly managed.
ردحذفتعاني المولدات التي تعمل لفترات طويلة بأحمال منخفضة من ظاهرة تُعرف بـ "Wet Stacking"، حيث يتراكم الوقود غير المحترق في نظام العادم، مما يقلل من كفاءة المحرك ويزيد من الانبعاثات الضارة. تشمل الصيانة المحترفة في هذه الحالة إجراء "اختبار بنك الحمل" (Load Bank Testing)، أسعار مولدات الكهرباء في مصر يتم تشغيل المولد بكامل طاقته لإحراق هذه التراكمات وتنظيف صمامات المحرك. هذا الإجراء لا يحسن الأداء الفني فحسب، بل يضمن أيضاً استهلاكاً أمثل للوقود، وهو ما ينعكس إيجاباً على ميزانية التشغيل السنوية
ردحذف