السلام عليكم و رحمة الله و بركاته
اخيرا الشاشة اتصلحت !
اخيرا الوان !
اخيرا زست p:
-------------
الكمبيوتر من غير الواااان بشع جدا
التلفزيون اللي كنت بستخدمه فيه مشكلة في الالوان و كنت عامله ابيض و اسود !
التلفزيون 21 بوصة ، يعني كبير بالنسبة للشاشة الـ 17
بس الرؤية لحد دلوقتي كويسة جدا
المشكلة في الالوان !
الحاجات بقت افتح بدرجة ملحوظة
يعني مثلا اللينك بقت ازرق فاتح ، الاحمر متوهج و الاخضر ناصع !
اعتقد ده بسبب الابيض و الاسود اللي كنت شغال عليه بقالي فترة
بالمناسبة ، الشاشة كويسة جدا ، انا لما عديت على واحد صاحبي من شوية كان عندي نفس الشعور
على العموم ان شاء الله الموضوع يكون مسالة وقت و كل حاجة ترجع لطبيعتها D:
انا كدا بقالي حوالي 10 ايام بستخدم شاشة التلفزيون
اهم حاجة في الموضوع اخيرا هشوف الوان الاوبن اوفيس دوت اورج 3 D: - كنت عامل موضوع الاعلان عن صدور النسخة الجديدة من غير اي الوان -
و كمان هشوف الشكل جديد لمدونة كريم ( Mutati0N ) ، ^_^
ـ
فعلا ، الالوان حاجة جميلة : )
الف مبروك على الألوان
ردحذفأول مره أدخل مدونتك وبصراحه مجب بيهاجدا
سكلتووووووون اييييل
ردحذفو الله ما كنت اعرف ان عندك مدونة و لقيتها بالصدفة البحتة :D
انا بونجو لو فاكرني ..
جميلة مدونتك جداا و ان شاء الله اتابعها
:)
سلام
الحياه بالالوان احلي اكيد بكتير ,
ردحذفاستمتع بقي يا عم :D
تصدق بقه ان الابيض واسود أرحم خمستلاف مرة من اللي انا كنت فيه
ردحذفكان عندي إل جي 15 فجأة ما تفهمش حصل فيها إيه لقيت الألوان ساحت واختلطت في بعض..
عرفت انا فيه مكثف ما حصل له حاجة وان تغيير المكثف ما ده مش ح يتكلف كتير.. بس انا كنت خلاص قررت احيل الشاشة للمعاش وأجيب LCD..
ونظرا لأن الـLCD الجديد والمستعمل تضاعف سعره بالضبط قبل ما انزل اشتري، إضطريت أجيب IBM 19 وزنها يا مؤمن 22 كيلو شلتهم كلهم لحد بيتنا...!!
لكن بالطبع الكواليتي مرعب بالنسبة لشاشة مستعملة واسم IBM عليها يفكرك بالمنظر اللي بتشوفه لما تفتح كبوت BMW...
تحياتي ومبروك..!
ازيك ياأحمد بيه
ردحذفيلى احمد ربك انا قعدت شهر بشاشتى خربانة .. كنت مكسل أنزل أصلحها خوفاً لتغيب عند الشركة وأنا كنت محتاجها لحد ما تشجعت وقلت أضحى وفوجئت إن الراجل صلحها فى نص ساعة
N@B!L : الله يبارك فيك يا باشا ، و اتمنى المدونة تعجبك على طول : )
ردحذفBongo : ياااااااااااااااااه D:
مهو لو حضرك كنتِ لسه متابعه شمساوي اكيد كنتِ عرفتي : )
و طبعاً فاكرك ، حد ينسى التونز ؟ ^_^
منورة المدونة ديماً : )
Mutati0N : الغريب ان الالوان اللي على الشاشة بس هى اللي تأثرت ، انما اي الوان حاجة حقيقة مفهاش اي تغير !
Ahmed Faissl : مبروك عليك انت الشاشة الـ bmw ،،، اقصد الـ ibm ـ D:
الموضوع ده كان بيحصل من كابل الداتا بتاع الشاشة ابقى بص عليه بصه كدا ، و خليها شاشة احتياطي D:
ـ
ahmedmisry : ازيك يا احمد باشا D:
المشكلة ان الواحد مش بيكون ضامن هتتصلح في قد ايه ، ممكن ساعة ، ممكن يوم ، ممكن اسبوع ، و ممكن اكتر من كدا كمان D: