مدونة أحمد م. أبوزيد‏‫!‏

انهارده ارتكبت فظيعة جديدة من آخر فظائعي في الكام يوم اللي فاتوا دول DDDDD:

حضرت الفيست بتاع كيو نت انهارده في الصالة المغطاة باستاد القاهرة!!

قررت أعصر على نفسي شوال لمون وأحضر عشان يبقى عندي تجربة واقعية تخولني إني أشتم الشركات اللي زي دي، واشتم الناس اللي بتشترك فيها! ومن ناحية تانية عشان أرغم نفسي على الحاجات اللي مش بحبها (صمدت لمدة ٣ ساعات في حفل صاخب ... ده إنجاز فعلا D:)

لكن قبل ده كله، أقول الحق، أنا استفدت استفادة مبهرة انهاردة فيما يخص التسويق! ﻷ هما مكانوش بيتكلموا عن التسويق ولا حاجة أنا بس كنت بلاحظ كل تفصيل وكل كلمة بتتقال وكل حاجة بتتعمل!
وفعلاً أكدولي على العديد من النظريات اللي استنتجتها واستخدمتها مؤخراً.

الخلاصة؟ الناس دول ولاد كلب فعلاً! وهكتفي بكلمة ولاد كلب كناية عن كل الكلمات القبيحة اللي ممكن تتقال لإنهم محتاجين كلمة قبيحة بطول ١٢ حرف عشان توصفهم!!

بيلعبوا على وتر مشاعر الناس بطريقة فظيعة ، باختصار الاستهلاكية في أبشع أشكالها!

صدق اللي قال إن أسوء أنواع الكذب هو الكذب الممزوج بحقيقة! ممكن لاحقاً ابقى أكتب أكتر عن التجربة دي.