الصورة لـ Cath Schneider
شوفت الصورة دي إنهارده ... صورة ظريفة جداً وفكرتني بموقف قديم D:بالقنفد الصغير اللي وصل بيتنا بطريقة غريبة جداً D:
كنت في اعدادي تقريبا، لقيت قنفد قريب من أرض زراعية على حدود منطقتي، قررت آخده البيت، وفعلاً جبت كيس وحطيه جواه، كان في حجم كورة قدم صغيرة (يمكن مقاس ٣ أو ٤)، وده خلاني أغير الكيس يجي أربع مرات عشان كل شوية بيتقطع من شوكه D:
أخدته البيت، قولت أسيبه في الحوش لحد الصبح، حطيته في علبة صفيح، جه الصبح ملقتهوش : (
دخل في الشقة اللي في الدور الأرضي وكانت ساعتها لسه مش متشطبه، دورنا عليه في كل حته، القنفد اختفى!
بعدها بكام شهر، سمعنا صوت جاي من حوش بيتنا ... لقينا عرسة ومخلفة عرستين صغيرين ... مش دي المشكلة لإننا كنا عارفين بيهم، بل ساعات كنت أنا واخواتي نرميلهم أكل D:
العرسة كانت بتتخانق مع حاجة! حزر إيه هي الحاجة؟ ﻷ مش القنفد اللي جبته!
قنفد صغير! في حجم كورة البيسبول تقريبا. فتحنا باب الشقة اللي تحت لقينا واحد تاني كمان ... بس ميت، ويبدوا أنه لسه ميت حديثاً :(
االاستنتاج!
القنفد اللي جبته كان انثى وحامل! في نفس الوقت كانت العرسة خلفت وبالتالي وحصلت معركة على مناطق النفوذ ... والنتيجة إن القنفد الكبير، أو بالأحرى القنفدة اختفت وسابت وراها قنفدين صغيرين، وواحد منهم مصيره كان الموت على يد العرسة الأم، والتاني أخدته مكان ما لقيت أمه ... بعد ما استكشفت فيه شوية D:
أنا ممتن جداً لوالدي ووالدتي إنهم كانوا بيسمحوا بدخول الحاجات دي البيت، أهالي تانين كانوا ممكن يتبروا من عيالهم لو جابوا حاجة زي دي البيت D:
يا لهوي! كانت أيام! D":
DDDDDDDDDDDDDDDDDDD:
لووووووووول,
ردحذفانا لسة بفكر اجيب كلب :)
مع إنه القنافذ شكلهم حلو ولكن من ساعه ما بابا حكى لي عن إن رجله اتعورت من شوك قنفذ وإنه كان بيوجع جدا وكانت مشكله إنه يشيله وأنا بضايق منهم وفيه عداء ما بيني وبينهم :D
ردحذفذكرتني في حكايتي مع القنفد ...كتبت اطوارها في مدونتي يوما :)
ردحذفإسلام
ردحذفموضوع الكلاب ده موال تاني خالص D:
مليش في موضوع تربية الكلاب ده، بس برده مرة زمان كان في "كلبة" خلفت في شارعنا، وكل حد يرخم عليها فتروح شايله عيالها ونقالهم في حتة تانية من الشارع، روحت فتحتلها دكان من اللي في البيت بتاعنا ورصيت الـ ٨ جراوي بتوعها فيهم ... وقعدت فترة بهتم بيهم D:
أ. سلمى
على عكس القنافد الكبيرة، القنافد الصغيرة أظرف بكتير فعلاً، خصوصاً إن وزنهم بيكون صغير وممكن الواحد يشيلهم على إيده بيدون أي حاجة وبدون أي مشكلة.
حقيقي إحساس مختلف جداً إن الواحد يشيل كائن زي ده على إيده D:
هيبو
المقنفد ^_^
المهم هل وجدته بعد اختفائه؟