الطلاق ده من الحاجات العجيبة جداً زي الجواز كدا بالظبط! بل يمكن يكون أكتر حاجة بتخوفني في فكرة الجواز!
المفروض إني كنت هكتب خمس أو ست سطور بحاول فيها أوصف أد إيه الطلاق ده غريب لكن يبدوا إني مش عارف أكتب حاجة! ومسحت الكلام اللي كتبته أكتر من خمس مرات وكتبته تاني وبرده مش لاقي الكلام المناسب لوصف شعوري بالنسبة للطلاق!
بشكل مختصر و بأقل كلمات ... العجيب فيه واللي أنا مش قادر أتخيله إزاي يكون اتنين بقوا عبارة عن شيء واحد، اتنين نشأ بينهم علاقة من أكتر العلاقات الإنسانية تشابكاً وعمقاً، اتنين اعتقدوا بأن كل منهم بالنسبة للتاني هو أفضل إنسان في الكون وأكتر إنسان بيحبه في العالم، اتنين مفيش بينهم أي علاقة دم يعتبروا أقرب لبعض من أي حد تاني ... بنفصلوا عن بعض! بل ممكن يكون بعد الطلاق بينهم كمية من كراهية قادرة على ملء المجموعة الشمسية بكل ما تحتويه من أجرام فضائية!
كل ده بيخليني أفكر في الطلاق كأكثر الكوابيس مخيفة على الإطلاق ... خصوصاً مع تزايد نسب الطلاق في المجتمع المصري بشكل خزعبلي ... لدرجة إني أعرف ناس (أعرفهم معرفة شخصية مش عامة!) جوازهم لم يستمر سنة على بعض!
أنا مقتنع تماماً بإن لكل شخص سمات وظروف مختلفة ومش من المنطقي إني أحط نفسي مكان حد ... بس إيه العمل لو كان الطرف التاني عنده لا مبالاة؟ مش متحمل المسئولية؟ معندهوش الرغبة في التغيير؟ مش مقدر معنى "أسرة"؟
مش عارف هعمل إيه ساعتها ... مش هيكون في غير الطلاق، بس أتمنى من كل قلبي إني مكونش في الموقف ده أبداً ... عشان كدا من زمان وأنا بعمل على إني أكون شخص أفضل، وبالتالي زوج أفضل وأب أفضل وأفضل ... إني أتخلص من الصفات السيئة فيا وأحصل على صفات أفضل، أقرأ في العلاقات الإنسانية، أقرأ في العلاقات الأسرية والتربوية، والأهم إني أحاول أتعلم من تجارب الآخرين! عشان يمكن نصيبي يكون أفضل منهم ... لكن بالرغم من أي حاجة ملناش يد فيها إحنا بس اللي بنحدد نصيبنا وبنصنع قدرنا مش أي حد تاني!
أنا و الحمد لله لم أطلّق و لا مرّة في حياتي، أقسم بالله العظيم.
ردحذف^-^
السلام عليكَ يا أحمد
ردحذفلا حرج في أن الطلاق هو أبغض الحلال عند الله
ولأنه في شرع الدنيا فأحيانًا يكون لها ضرورة ونسأل الله ألا نكون ممن يحتاجون له يومًا
أشكرك على تعليقك بخصوص إنكسكيب ولنا تواصل
إلى متى تمتد إجازتك ؟
طيب ايه رايك في وحدة أعرفها مخطوبة ل 3 سنوات وبعدها 3 شهور قضتها بعد الزواج ثم طلبت الطلاق .. لأنه منعها من أهلها، بالاضافة كان يتعاطى مخدرات والعياذ بالله ..
ردحذفالمشكلة انه فترة الخطوبة المقدمين على الزواج ما يكونوا صريحين مع بعض
ثم بعد الزواج تكتشف شخصية ثانية
وغير اللي يزوجوا بناتهم عشان الفلوس، بغض النظر عن ان كان الراجل كويس ولا لأ
أو اللي يبا أي بنت عشان يثبت فحولته بغض النظر من هي
مع انه الزواج لازم الشخص يفكر فيه كويس قبل لا يقدم عليه لأنها مسيرة حياة .. وأكبر مشروع على وجه الأرض
الله يوفق الجميع للي فيه الخير
مشكلة !!! إن زي ما حضرتك بتقول كدا تقعد تعد نفسك لتكون زوج أو أب وروح أرقى وأسمى بس عشان تنجح علاقة تود أن تكون الأنجح في حياتك ، تود أن تكون لها بقية في الجنة حيث خلود بلا موت وحب بلا كره
ردحذفتم تفاجئ بصفعة على الوجه
ما دفعني للتعليق هو أنك تخشى الطلاق كأنما عايشت تفاصيلة
وتعجب لحال روحين خلقا من بعض ثم ينقسما بطريقة موجعة
يا سيدي دعني أقول لك ماذا ستفعل وقتها !!! ستجلس مثلي 9 سنوات لن يخف ألمك تسع سنوات مشدوه من صنيع من قاسمته يوما كل شئ!!
هو قدر ربي لأنه لو أجتعمت الدنيا على أن ينفعوك بشئ لن ينفعوك بشئ غلا بشئ كتبه الله لك وإن أجتمعوا أن يضروك بشئ لن يضروك بشئء إلا بشئ قد كتبه الله عليه أو كما قال صلى الله عليه وسلم
لو أننا حين نفكر في كسر الآخر أننا لا نقبل أن يحدث هذا لأختي وأمي والعكس لفكر الطرفين 1000 مرة قبل الطلاق
أدعو لنفسك كثيرا وأبتهل إلى الله أن يحفظ لك زوجك وبيتك ويجعلهما قرة عين لك
تمنياتي بحياة طيبة