السلام عليكم و رحمة الله و بركاته
في شوية حاجات عاوز اكتب عنها قبل ما الكمبيوتر يتشال (غالبا هيتشال على آخر الاسبوع ده ، انا فعلا محتاج اذاكر بشكل افضل)
المهم ،
من كام شهر كان ليا مزاج اسمع حاجة لابن القيم ، دورت على نونيته الشهيرة ، لقيت الاخ الفاضل "طه محمد عبد الرحمن" مسجل القصيدة النونية كاملة بصوته ^_^
راسلت الاخ طه عشان اعرف اذا كان ينفع انشر التسجيل على الانترنت ، قالي - جزاه الله كل خير - مفيش اي مشاكل ، و مسموح بنشر تسجيلاته ^_^
دي صفحة الاخ القارئ طه على موقع المتون العملية
القصيد نظمها الإمام "شمس الدين محمد بن أبي بكر الزُّرعي الدمشقي" المعروف بـ "أبو عبد الله" و "ابن قيم الجوزية" (حد ميعرفش ابن القيم ؟!!) . القصيدة حوالي ستة الاف بيت !! و سماها "الشافية الكافية في الانتصار للفرقة الناجية" .
صفحة ابن القيم على ويكيبيديا
و ده موقع خاص بالإمام ابن القيم (جزى الله الشخص القائم عليه كل خير)
www.IbnalQayem.com
- - - - - - -
القصيدة متقسمة على ست اجزاء ، كل جزء ما بين ساعتين لتلات ساعات (بنتكلم في قصيدة عدد ابياتها ٦ الاف بيت متوقع ايه يعني !!) و مجموع حجمهم مش كبير أوي ١٣٤ ميجا بس (بمتوسط حاجة و عشرين ميجا لكل جزء) و جودة التسجيل جميلة و صوت الاخ طه ما شاء الله عليه ^_^
الروابط مباشرة و طبعاً الملفات بصيغة ogg الحرة ^_^
[ الجزء الأول ]
[ الجزء التاني ]
[ الجزء التالت ]
[ الجزء الرابع ]
[ الجزء الخامس ]
[ الجزء السادس ]
و هنا نص القصيدة النونية على موقع ويكي مصدر
و ده مقطع صغير (خمس دقايق) من القصيدة عن وصف الجنة ، مقطع جميل بس بصراحة مش عارف هو بصوت مين لانه عندي من فترة كبيرة ، و هو اقرب للاناشيد منها للقصائد .
و بس كدا : )
** غالبا صيغة ogg هتشتغل معاك عادي خالص على البرنامج اللي بتفضله اذا كنت بتستخدم الكودك المناسب ، و لافضل اداء انصح باستعمال البرنامج الرائع VLC .
اول مره اسمع عن هالقصيده
ردحذفالقصيده النونييه!
بالتوفيق يا رب في دراستك :)
هي طويلة شوية بس موضوع القصيدة قوي جدا ، اكيد هتعجب حضرتك : )
ردحذفو شكرا على الدعوة الجميلة : )
رحم اله العلامة ابن القيم وشيخه العلم ابن تيميه فكانوا متصدين لاهل البدع وابن القيم هو طبيب القلوب
ردحذفتصنيع نظام الجر بدون غرفة ماكينة، وهو أهم عنصر في هذا النوع من المصاعد. يتم استخدام محركات كهربائية مدمجة من نوع Gearless Traction Motor، والتي تتميز بحجم صغير وكفاءة عالية في استهلاك مصاعد بدون غرف . يتم تثبيت هذا المحرك أعلى بئر المصعد أو بجانب المسار، مما يلغي الحاجة إلى غرفة ماكينة منفصلة ويوفر مساحة إضافية في المبنى.
ردحذفيتم تصنيع وتركيب الأنظمة الإلكترونية وأنظمة التحكم، والتي تشمل لوحات التحكم الذكية، وأجهزة الاستشعار، وأنظمة الأمان مثل الفرامل الطارئة وأجهزة التحكم في السرعة. تعتمد هذه الأنظمة على تقنيات متقدمة تسمح بإدارة حركة المصعد بدقة عالية، مع توفير استجابة فورية لأي خلل أو حالة طوارئ، مما يعزز من مستوى الأمان والكفاءة التشغيلية.