السلام عليكم و رحمة الله و بركاته
موضوع مختصر كدا عشان بلاقي ناس كتير بتدخل مدونتي من شريط اللي بيتكتب فيه عنوان المدونة ، او بيكونوا حافظين المدونات في المفضلة او الـ bookmarks ، مع ان في طرق تانية اسهل بكتير و بتوفر الوقت جدا
نظرا لعدد المدونات الكبير دلوقتي في امكانية متابعة المدونات عن طريق الـ rss ، و الار اس اس ده باختصار تقنية بتجيبلك اخر التدوينات من موقع او مدونة معينة ، يعني كل موقع تشترك فيه هيجيلك اخباره اول باول ، و كمان لو في موضوع معين عجبك ممكن تتابع الردود اللي فيه عن طريق الار اس اس برده ، او حتى لو عندك مدونة و مش بتاخد بالك من الناس اللي بترد عليك في المواضيع القديمة - زيي كدا
- ، ممكن تتابع الردود على مدونتك ، بحيث تشوف اخر الردود 
ممكن تستعمل برنامج عادي ، او تطبيق ويب زي جوجل ريدر .....
كمل الموضوع هنا :
ازاي تتابع المدونات على النت و زاي تتابع التعليقات كمان - منتدى كل الطلبة .
ازاي تتابع المدونات على النت و زاي تتابع التعليقات كمان - منتدى شمساوي .
-----------------------
كام موضوع بقى قبل ما الكمبيوتر يتشال : )
أنا أتابع بعض المدونات (و منها مدونتك) باستعمال برنامج Snarfer
ردحذفهو برنامج لقراءة الـ RSS مجاني و خفيف
على نظام windows
Google reader :)
ردحذف> djug :
ردحذفبرنامج لطيف لكن بفضل البرمجيات الحرة اكتر :)
نورت المدونة :)
---------------
> Maha :
جوجل ريدر كويس جدا بس تطبيقات الويب بتبقى محدوده شوية ، مثلا واحد من مشاكل جوجل الحالية التاخر في فحص المواقع عشان يجيب اخر الخلاصات ، و للاسف مفيش خاصية تخلي جوجل ريدر يحدث الوصلات ، لازم الواحد يستنى لما هو اللي يحدثها :)
هي فعلا مشكلة البطئ في متابعة المواقع كانت موجودة من فترة لكن استدركوها دلوقتي والمتابعة بقت شبه متزامنة مع تحديث المواقع
ردحذفأما مشكلة تحديث الوصلات فمقابلتنيش قبل كده ؟؟؟!!!
مش عارفه .. هل تقصد مثلا لو أنا عدلت من محتوى إحدى تدويناتي مش بيتحدث المحتوى اللى في جوجل ريدر بسرعة ولا ايه ؟
لو قصدك اللى فات فلا بمجرد تحديث صفحة قارئ جوجل بيتحدث المحتوى !!
> Maha :
ردحذفاللي بيحصل ان ساعات الموقع المدونة بيكون نزل فيها موضوع جديد ، و لسه مظهرش في جوجل ريدر و مرة الموضوع بياخد دقايق و مرة الموضوع بيوصل لساعات ، و حاليا مفيش طريقة تخلي جوجل ريدر يحدث الخلاصات اللي عنده : )
البرنامج المذكور فوق مجاني
ردحذفأم أنك تقصد أنه يكون البرنامج مفتوح المصدر أيضا؟
> djug :
ردحذفانا قولت "حر" وليس "مجاني" : )
"Free software" is a matter of liberty, not price. To understand the concept, you should think of "free" as in "free speech," not as in "free beer."
و طبعا كون البرامج حر يكون مفتوح المصدر بغض النظر عن سعره : )
http://www.gnu.org/philosophy/free-sw.html
في الاساس مشكلة free هل هى حر او مجاني موجودة في الاجليزية و مش موجودة في العربية لاننا عندنا لفظين مختلفين فالحر حر و المجاني مجاني : )
نورت المدونة يا djug ، و في انتظار الدروس الجديدة عن ال c على لينوكس ^_^